ردت الإعلامية ريهام سعيد بهجوم شديد أقرب إلى “الردح” بالعامية المصرية على هجوم الإعلامي الشهير يسري فودة وما كتبه عنها على صفحته الشخصية بموقع التواصل الإجتماعي “فيسبوك”.
وقالت ريهام سعيد: “اتشهرت أنت على قفايا اليومين دول أنت بتقول ( عليكي وعلى اللي شغلهالك وعلى اسياد اللي شغلهالك) اسألك هل أسياد اللي شغلهالك الجيش المصري يعني ؟! الجيش المصري اللي لما عملت حادثة وجالك كسر في الضلوع والترقوة خصص لك طيارة تنقلك إلى المستشفى؟”.
وتابعت: “اه الجيش المصري أسيادي.. انا عبدة البيادة يا سيدي .. نعم أنت مالك إيش دخّلك.. كل واحد حُر.. أنا حُرة يا سيدي” مضيفة: “وأنت اتفرجت ليه على بالوعة الإعلام المصري.. بتشوف البالوعة ليه؟! عشان أقعد أتابع حاجة يبقى أنا معجب بيها أصل ده زرار.. انت شتمتنا كلنا في البلاعة، ولا أنت زعلان أنك مش بتطلع على شاشة، والقعدة في البيت تعباك واتشهرت على قفايا اليومين دول”.
واستطردت ريهام سعيد قائلة: “أتحداك تمشي في العريش أو الشيخ زويد أو الجورة .. عشان تعرف مين الرجالة اللي بجد، روح دافع عن بلدك، ولا أنت بالنسبة لك اللي عايزين يدخلوا دول تمام .. متهيألي إنك عايزهم”.
